Vodas e eventos

A web da vosa voda, tan especial coma o día

Toda a información para os teus convidados nunha soa ligazón: confirmación de asistencia, horarios, como chegar, aloxamento e fotos. Deseñada ao voso gusto.

Quero a miña web Ver que inclúe

Menos mensaxes, máis tranquilidade

Organizar unha voda ou un evento xa é traballo dabondo como para responder cen veces a «a que hora é?» ou «onde se aparca?».

Cunha web propia, os teus convidados teñen todo á man e ti ves en tempo real quen vén, con cantos acompañantes e se ten algunha alerxia ou necesidade especial.

O que máis vos vai gustar

Confirmación de asistencia

Formulario con acompañantes, menú e comentarios. Recibes as respostas ordenadas nunha lista.

Como chegar

Mapa, aparcamento, transporte e aloxamentos próximos, todo nun mesmo sitio.

Galería de fotos

Compartide as vosas fotos antes do gran día e recollede as dos convidados despois.

Invitación dixital con QR

Unha invitación bonita para enviar por WhatsApp ou imprimir, cun código QR que abre a web.

Que pode incluír a vosa web

  • Deseño á medida coas vosas cores, fotos e estilo
  • Conta atrás e programa do día (cerimonia, banquete, festa)
  • Confirmación de asistencia con lista descargable
  • Mapa, transporte e aloxamento recomendado
  • Galería de fotos e espazo para que os convidados suban as súas
  • Lista de agasallos ou número de conta, se o queredes
  • Varios idiomas para convidados de fóra
  • Acceso con contrasinal para manter a privacidade
  • Invitación dixital e código QR listo para imprimir

Como o facemos

1

Coñecémonos

Contádesme como é o voso evento, o estilo que vos gusta e que precisan saber os vosos convidados.

2

Deseño

Prepárovos unha proposta visual coas vosas fotos e cores.

3

Publicación

Publicamos a web cunha ligazón doada de compartir e a invitación dixital lista para enviar.

4

Despois do evento

Deixamos a galería aberta para reunir e compartir as fotos de todos.

Prezo

Cada evento é distinto. As webs para vodas e eventos comezan en dende 99 €. Contádeme que precisades e prepárovos un orzamento pechado.

Pedir orzamento

Preguntas frecuentes

Con canta antelación hai que pedila?

O ideal é tela lista cando enviades as invitacións. Se ides xustos de tempo, contádemo e vémolo.

Serve para outros eventos?

Si: comuñóns, aniversarios, cumpreanos, xornadas de empresa, congresos ou festas. Calquera evento con convidados que precisen información.

Os convidados teñen que instalar algo?

Non. É unha web normal: abren a ligazón dende WhatsApp ou escanean o QR e listo.

É privada?

Pode selo. Protexémola con contrasinal e indicámoslle a Google que non a mostre nos seus resultados.

Que pasa coa web despois do evento?

Podemos mantela como recordo coa galería de fotos durante o tempo que acordemos, ou pechala.

Cando é o gran día?

Contádeme a data e o que tedes en mente, e prepárovos unha proposta.

Servizos relacionados

Páxinas web

Webs rápidas, claras e preparadas para Google, dende dende 199 €.

Apps móbiles

Apps para iOS e Android con React Native, ou apps web máis económicas.