SEO e publicidade en Google

Que te atopen cando buscan o que fas, preto de ti

Traballo a túa web, a túa ficha de Google Maps e, se compensa, os teus anuncios en Google para que cheguen chamadas, mensaxes e visitas de clientes da túa zona.

Primeiro o que funciona de balde, despois os anuncios

Nunha comarca coma a nosa, a maioría dos clientes novos chega por unha busca en Google ou en Google Maps. Se a túa ficha está incompleta ou a túa web é lenta, ese cliente remata na competencia aínda que ti sexas mellor.

Empezo polo que non custa por clic: unha web rápida e ben estruturada, unha ficha de Google Business completa e contido que responde ao que a xente busca. Google Ads úsoo cando precisas resultados xa ou para buscas moi disputadas, cun orzamento pequeno e controlado.

Que traballo

SEO local e Google Maps

Ficha de Google Business completa, categorías, fotos, recensións e presenza en Bing e Apple Maps.

SEO técnico

Velocidade, indexación, datos estruturados, versións en varios idiomas e erros de Search Console.

Contido que posiciona

Páxinas e artigos que responden ao que buscan os teus clientes, non textos de recheo.

Google Ads

Campañas de busca por zona e horario, con orzamento diario limitado e palabras negativas ben postas.

Que inclúe

  • Auditoría inicial da túa web, a túa ficha de Google e a túa competencia local
  • Plan de accións priorizado por impacto
  • Optimización técnica e de contidos da web
  • Configuración e mellora de Google Business Profile
  • Alta e revisión en Google Search Console e Bing Webmaster Tools
  • Campañas de Google Ads (opcional) con seguimento de chamadas e formularios
  • Informe mensual en linguaxe clara: que se fixo e que resultados houbo

Como traballo

1

Auditoría

Vexo onde estás hoxe fronte á túa competencia na túa zona.

2

Plan

Propóñoche as accións con máis impacto e o seu custo.

3

Execución

Aplícoas na túa web, a túa ficha e, se procede, en Google Ads.

4

Seguimento

Cada mes revisamos resultados e axustamos.

O que non fago

  • Prometer o primeiro posto en Google: ninguén pode garantilo
  • Mercar ligazóns ou recensións falsas, que rematan en penalización
  • Contratos de permanencia
  • Cobrar unha porcentaxe agochada do teu investimento en anuncios

Canto custa?

A auditoría inicial ten prezo pechado e, a partir de aí, podes contratar accións soltas ou un seguimento mensual sen permanencia, con IVE incluído. En Google Ads o orzamento dos anuncios págalo ti directamente a Google coa túa tarxeta; eu só cobro a xestión.

Pedir orzamento

Preguntas frecuentes

Canto tarda o SEO en dar resultados?

No SEO local adoitan notarse cambios en poucas semanas, sobre todo en Google Maps. Para buscas máis disputadas falamos de varios meses. Por iso combino SEO con Ads cando precisas resultados antes.

Preciso unha web nova?

Non sempre. Primeiro reviso a que tes. Se é moi lenta ou non se pode optimizar, dígocho con datos.

Canto debo investir en Google Ads?

Para un negocio local pódese empezar cun orzamento diario pequeno. Axustámolo segundo as chamadas e contactos que chegan, non segundo os clics.

Traballas fóra do Barbanza?

Si. Traballo con negocios de toda Galicia e tamén de fóra. O SEO local adáptase á zona de cada cliente.

Apareces cando te buscan?

Dime o teu negocio e a túa zona e cóntoche como estás fronte á túa competencia.