Software á medida e informatización

O programa que precisa a túa empresa, non o que che toca aturar

Cando as follas de cálculo, os papeis e os programas xenéricos xa non dan máis de si, desenvolvo a ferramenta que encaixa con como traballades, e conéctoa co que xa usades.

Informatizar sen cambiar a túa forma de traballar

Moitas empresas de aquí funcionan cun Excel que só entende unha persoa, albarás en papel e chamadas para saber como vai un pedido. Funciona, ata que esa persoa marcha de vacacións ou o volume medra.

O meu traballo é converter iso nunha ferramenta propia: sinxela, rápida, accesible dende o ordenador e o móbil, e cos datos gardados en servidores europeos. Empezamos polo que máis vos doe e medramos por partes.

Que podo desenvolver

Xestión interna

Pedidos, stock, produción, obras ou servizos nunha soa ferramenta, en lugar de varias follas soltas.

Portal de clientes

Que os teus clientes consulten pedidos, facturas ou documentos sen chamarte.

App para o teu equipo

Partes de traballo, fotos, sinaturas e listas de comprobación dende o móbil, tamén sen cobertura.

Integracións

Conectar a túa facturación, a túa tenda online, o teu correo ou a web dun provedor para non teclear dúas veces.

Documentos automáticos

Orzamentos, albarás, certificados e informes que se xeran sós cos teus datos.

Datos seguros

Usuarios con permisos, copias de seguridade e aloxamento na Unión Europea, conforme ao RXPD.

Que inclúe cada proxecto

  • Análise de como traballades hoxe e de que ferramentas usades
  • Proposta por fases con prezo pechado para cada unha
  • Prototipo para validar pantallas antes de programar
  • Desenvolvemento, probas con datos reais e migración dos vosos datos
  • Formación para o equipo e manual sinxelo
  • Aloxamento europeo, copias de seguridade e mantemento opcional
  • O código e os datos son vosos

Como traballo

1

Diagnóstico

Paso un tempo convosco para ver como traballades de verdade.

2

Prototipo

Amósovos as pantallas antes de escribir código, para corrixir a tempo.

3

Desenvolvemento por fases

Entregas cada poucas semanas, para que o usedes e o melloremos.

4

Posta en marcha

Migración de datos, formación e soporte as primeiras semanas.

Exemplos habituais

  • Pasar de follas de cálculo a unha aplicación propia
  • Control de frota, rutas e documentación de vehículos
  • Trazabilidade de lotes e control de produción
  • Orzamentos con medidas e prezos calculados ao momento
  • Facturación conectada para o Verifactu e a factura electrónica

Canto custa un software á medida?

Depende do alcance. Por iso divídoo en fases pequenas, cada unha co seu prezo pechado con IVE incluído, e a primeira xa resolve un problema concreto. Así sabes o que investes e o que recuperas antes de seguir.

Pedir orzamento

Preguntas frecuentes

Non é mellor mercar un programa que xa existe?

Se hai un que encaixa, dígocho e axúdoche a implantalo. O software á medida ten sentido cando os programas xenéricos te obrigan a cambiar como traballas ou a pagar por moitas funcións que non usas.

Que pasa se deixas de traballar comigo?

O código e os datos son teus. Uso tecnoloxías estándar (Angular, Python, bases de datos MySQL ou PostgreSQL) para que calquera outro programador poida continuar.

Funciona no móbil?

Si. Fágoo como aplicación web que funciona en ordenador, tableta e móbil, e se fai falla, como app instalable.

Pódese conectar co meu programa de facturación?

Na maioría dos casos, si, se o programa ten conexión (API) ou permite importar e exportar datos.

Que parte da túa empresa segue en papel ou en Excel?

Cóntama e dígoche como informatizala e por onde empezar.