Tendas online e comercio electrónico
Monto tendas online que cargan rápido, se xestionan sen axuda e cobran con tarxeta ou Bizum. Para venderlles aos clientes de sempre e aos que te descobren dende fóra de Galicia.
Unha tenda online funciona cando o cliente atopa o produto, entende o prezo co envío e paga en dous pasos. Se algo diso falla, abandona o carro e non volve.
Por iso non empezo polo deseño, senón por como vendes hoxe: que produtos, a quen, como os envías e quen vai preparar os pedidos. Con iso decidimos se che convén unha tenda á medida, unha plataforma como Shopify ou comezar cun catálogo con pedidos por WhatsApp.
Tarxeta, Bizum e transferencia a través da pasarela do teu banco ou de Stripe. O diñeiro chega á túa conta.
Tarifas por zona ou por peso, recollida na tenda e número de seguimento para o cliente.
O stock baixa só con cada venda e avísote cando un produto se está a acabar.
Cada produto coa súa ficha, os seus datos estruturados e un URL limpo para posicionar.
Cóntasme que vendes, a quen e como o envías hoxe.
Recoméndoche a solución que encaixa e un prezo pechado.
Preparo a tenda, cargamos os produtos e facemos pedidos de proba.
Abrimos, ensínoche a xestionala e reviso as primeiras semanas contigo.
Depende do número de produtos, de se precisas integracións e da plataforma. Dou un prezo pechado con IVE incluído antes de empezar e sen comisións por venda pola miña parte: as únicas comisións son as da pasarela de pagamento.
Pedir orzamentoBlog
Cando alguén busca «fontaneiro preto de min», o primeiro que ve é o mapa. Explicámosche como crear a túa ficha de Google, verificala e facer que apareza.
Blog
Facenda anunciou outro aprazamento, pero a data legal segue a ser xullo de 2027. Explicámosche que é Veri*Factu, a quen afecta e que facer agora sen agobios.
Depende. Para empezar rápido con poucos produtos, unha plataforma pode chegar. Se tes procesos propios (venda a empresas, lotes, stock compartido coa tenda física) unha tenda á medida adoita saír mellor a medio prazo. Explícocho con números antes de decidir.
Si, a través da pasarela de pagamento do teu banco (Redsys) ou doutros provedores que o admiten.
Si. Déixoche un panel sinxelo e unha pequena formación para que non dependas de min no día a día.
As vendas teñen que facturarse cun sistema que cumpra a normativa. Podo conectar a tenda co teu programa de facturación para que non teñas que copiar nada a man.
Cóntamo e dígoche que tipo de tenda che convén e canto custaría.